डेंगू

डेंगू बोख़ार एक्ठु संक्रमण होय जवन डेंगू वायरस कय नाते होत है।संक्रमण कय बाद डेंगू कय लक्षन देखाय मा ३ से ७ दिन लागि सक़त़ है औ इ निक होय मा २ से ७ दिन लागि सक़त़ हय ।मच्छर से डेंगू कय वायरस फइलत है। डेंगू बोख़ार कय "हड्डीतोड़ बोख़ार" कय नाँव से भी जानि जात है, काहे से डेंगू कय बिमारी मा अइसन पीरा होत है कि लागि हड्डी टूटि गवा है। डेंगू बोख़ार कय कुछ लक्षनन् मा बोखार; मूड़ पिराब; चमड़ा पय चेचक जइसन लाल दाग औ मांसपेशिन् औ गाठिन् कय दर्द सामिल है। कुछ लोगन् में, डेंगू बोख़ार एक या दुई अइसन रूप मा होइ सकत है जवन जिन्दगी खर्तिन खतरा होइ सकते है। पहिला, डेंगू रक्तस्रावी बोख़ार होय, जवने कय नाते देहि से खून बहब (ब्लिडिङ) औ प्लेटलेट्स कय स्तर कम होइ सकत है। दूसर डेंगू शॉक सिंड्रोम होय, जवने से खतरनाक रूप से कम ब्लड प्रेसर होइ सकत है।