जोसेफ स्टालिन
जोज़ेफ विसारिओनोविच स्टालिन (रूसी : Ио́сиф Виссарио́нович Джугашвили) (1878-1953) सोवियत संघ कय १९२२ से १९५३ तक नेता रहें। स्तालिन कय जनम गोरी जॉर्जिया में भवा रहा।
जोसेफ़ स्टालिन
Иосиф Виссарионович Сталин (रूसी)
იოსებ ბესარიონის ძე სტალინი (जॉर्जियन)
| |
|---|---|
| |
| 1937 में स्टालिन | |
| सोवियत संघ कय कम्युनिस्ट पार्टी कय महासचिव | |
| In office 3 अप्रैल 1922 – 16 अक्टूबर 1952 | |
| इनके पहिले | व्याचेस्लाव मॉलोटोव (जिम्मेदार सचिव कय रूप में) |
| इनके बाद | निकिता ख्रुश्चेव (कार्यालय फिर से स्थापित) |
| सोवियत संघ कय प्रधानमंत्री | |
| In office 6 मई 1941 – 5 मार्च 1953 | |
| First Deputies | निकोलाई वोज़नेसेंस्की व्याचेस्लाव मॉलोटोव |
| इनके पहिले | व्याचेस्लाव मॉलोटोव |
| इनके बाद | जिओर्गी मैलेन्कोव |
| सोवियत संघ कय रक्षामंत्री | |
| In office 19 जुलाई 1941 – 25 फ़रवरी 1946 | |
| प्रमुख | अपने |
| इनके पहिले | सेमोन टिमोशेनको |
| इनके बाद | निकोलाई बुलगानिन रिक्ति कय बाद |
| सचिवालय कय सदस्य | |
| In office 3 अप्रैल 1922 – 5 मार्च 1953 | |
| सभापतिमंडल कय सदस्य | |
| In office 25 मार्च 1919 – 5 मार्च 1953 | |
| ऑर्गब्यूरो कय सदस्य | |
| In office 16 जनवरी 1919 – 5 मार्च 1953 | |
| जनम | 18 1878 गोरी, टिफलिस राज्य, रूसी साम्राज्य |
| मउत | 5 मार्च १९५३ (उम्र 74) मॉस्को कय लगे कुंटसेवो डाचा, रूसी एसएफएसआर, सोवियत संघ |
| समाधिक जगह | क्रेमलिन वाल नेक्रोपॉलिस, मॉस्को, रूसी संघ |
| राष्ट्रीयता | सोवियत |
| राजनीतिक दल | सोवियत संघ कय कम्युनिस्ट पार्टी |
| जीवन संगी | केटरिना सेवानिडेज़ (1906–1907) नदेज़्दा ऑलिल्यूयेवा (1919–1932) |
| बच्चे | याकोव डीजुगैशविल, वसीली डिजुगैशविल, स्वेतलाना ऑलिल्यूयेवा |
| धर्म | कवनो नाई (नास्तिक) |
| इनाम/सम्मान |                 
|
| हस्ताक्षर | 
|
| सैन्य सेवा | |
| निष्ठा |  Soviet Union
|
| सेवा/शाखा | सोवियत सशस्त्र बल |
| सेवा काल | 1943–1953 |
| पद | सोवियत संघ कय मार्शल (1943–1945) सोवियत संघ कय जनरलिसिमस (1945–1953) |
| कमांड | कुल (सुप्रीम कमांडर) |
| लड़ाइ/युद्ध | दूसरा विश्व युद्ध |
जीवनी
सम्पादनस्टालिन कय जनम जॉर्जिया कय गोरी नाँव कय जगह पय भवा रहा। वनकय दादा माई निर्धन रहें। जोज़फ़ गिर्जाघर कय स्कूल में पढ़य से ढेर आपन सङरिहन कय साथे लड़ेक औ घूमैक काम ढेर किहिन। जब जॉर्जिया में नँवा मेर कय जूता बनै लाग तौ जोज़फ़ कय दादा तिफ्लिस चला गँय। वँह जोज़फ़ कय गीत औ साहित्य में ढेर मन लागै लाग। इ समय तिफ्लिस में बहुत कुल क्रांतिकारी साहित्य चोरी से बाँटि जाय लाग। जोज़फ़ इ किताबिन कय बड़ा चाव से पढ़ै लागे। 19 साल कय अवस्था में वन मार्क्स कय सिद्धांतन पय चला एक्ठु गुप्त संस्था कय सदस्य बने। 1899 ई. में इ दल से प्रेरणा लइकय काकेशिया कय मजदूर हड़ताल करै लागे। सरकार इ मज़दूरन कय दबावै लाग। 1900 ई. में तिफ्लिस कय दल फिर क्रांति कय सुरुवात किहिस। यकरे नाते जोज़फ़ कय तिफ्लिस छोड़िकै बातूम भागैक परा। 1902 ई. में जोज़फ़ कय ज़ेलिम डारि दिहिन। 1903 से 1913 कय बीचेम ओन्है छ दांइ साइबेरिया भेजि गै। मार्च 1917 में कुल क्रांतिकारिन कय छोड दिहिन। स्टालिन जर्मन सेनन कय हराइकै दुई दांइ खार्कोव कय स्वतंत्र किहिन औ ओन्है लेनिनग्रेड से खदेर दिहिन। 1922 में सोवियत समाजवादी गणराज्यन कय संघ बनाइ गै औ स्टालिन ओकर केंद्रीय उपसमिति में ओन्है सामिल कइ गै। लेनिन औ ट्रॉट्स्की विश्वक्रांति कय समर्थक रहें।लेकिन स्टालिन ओनसे सहमत नाइ रहें । जब उहै साल लेनिन कय फालिज़ मार दिहिस् तौ सत्ता खर्तिन ट्रॉट्स्की औ स्टालिन में संघर्ष सुरु होइ गवा। 1924 में लेनिन कय मउत कय बाद स्टालिन अपने कय ओनकय चेला कहिन। चार साल कय संघर्ष कय बाद ट्रॉट्स्की कय हरावैक बाद वन रूस कय नेता बनि गय ।
1928 ई. में स्टालिन पहिला पाँचवर्षीय योजना कय घोषणा कीहिन। इ योजना कय तीन परधान उद्देश्य रहा - सामूहिक किसानी, भारी उद्योगन कय बनावैक औ नँवा मज़ुरहन समाज कय बनावैक । सरकार सामूहिक किसानी से निकरा अन्न कय एक्ठु निश्चित भाव पय खरीदै औ ट्रैक्टर केराया पय देय । निर्धन औ मद्धिम वर्ग कय किसान इ योजना कय समर्थन किहिन। धनी किसान यकर विरोध किहिन लेकिन ओनकय दबा दिहिन। 1940 ई. में 86% अन्न सामूहिक किसानी से, 12 % सरकारी फार्म से औ खाली 1 % नीजि किसानन कय खेतेम पयदा होय लाग। अइसय लगभग 12 साल में रूस में कृषि में इ क्रांतिकारी बदलाव होइ गवा। उद्योगन कय विकास करै खर्तिन तुर्किस्तान में बिजुली कय पयदा बढ़ाइ गै। नँवा क्रांति कय नाते 1937 में खाली 10% मनई अशिक्षित रहि गँय जब कि 1917 से पहिले 79% मनई अशिक्षित रहें।
स्टालिन साम्यवादी नेता कय साथे वन राष्ट्रीय तानाशाह भी रहें। 1936 में 13 रूसी नेतन पय स्टालिन कय मारैक षड्यंत्र रचैक आरोप लगाइ गै औ ओन्है प्राणदंड दइ गै। अइसय स्टालिन आपन राहि साफ कइ लिहिन। 1937 तक मजूरहा संघ, सोवियत औ सरकार कय कुल विभाग ओनकय तरे आइ गै। कला औ साहित्य कय विकास पय स्टालिन कय पूरा नियंत्रण रहा। 1924 में ब्रिटेन कय प्रधानमंत्री रूस कय सरकार कय मान्यता दइ दीहिस। 1926 में सोवियत सरकार टर्की औ जर्मनी जइसन देसन से संधि कीहिस। 1934 ई. में रूस राष्ट्रसंघ कय सदस्य बना। जब जर्मनी आपन सैनिक शक्ति बढ़ाइस औ स्टालिन ब्रिटेन औ फ्रांस से संधि कइकै रूस कय सुरक्षा कय इन्तज़ाम किहिन। लेकिन ब्रिटेन जब म्यूनिक समझौता से जर्मनी कय माङ मानि लीहिस तौ उ 1939 में जर्मनी कय साथे तटस्थता कय संधि कइ लीहिस। दूसरा विश्वयुद्ध कय सुरुवात में रूस जर्मनी कय साथे रहा। जब जर्मनी रूस पय आक्रमण किहिस तौ ब्रिटेन औ अमरीका रूस कय सहायता कीहिस। 1942 में रूस जर्मनी कय आगे बढ़ैस रोक दिहिस औ 1943-44 में उ जर्मनी कय सेनन कय हराइस। 1945 में स्टालिन आपन आप कय जेनरलिसिमो (generalissimo) घोषित किहिन।
फरवरी, 1945 में याल्टा सम्मेलन में रूस कय सुरक्षा परिषद में निषेधाधिकार (वीटो पॉवर) दइ गै। चेकोस्लोवाकिया से चीन तक रूस कय नेतृत्व में साम्यवादी सरकार बनाइ गै। फ्रांस औ ब्रिटेन कय शक्ति तनि कम होइ गै। 1947 से रूस औ अमरीका में शीत युद्ध सुरु होइ गवा। साम्यवाद कय फइलैस रोकैक नाते अमरीका यूरोपीय देशन कय आर्थिक सहायता देवैक निर्णय किहिस। उहै साल रूस अंतरराष्ट्रीय साम्यवाद संस्था कय फिर से जिआइस। स्टालिन कय नेतृत्व में सोवियत रूस कुल क्षेत्रन में बहुतै ढेर सफलता पाइस। चिजन कय उत्पादन बहुतै बाढ़ औ कुल नागरिकन कय शिक्षा, घर, मजुरी जइसन जिन्दगि कय कुल जरुरि सुविधा मिलै लाग।