फुटबल खेल

एसोसिएशन फुटबॉल जेका फूटबल , फुटबॉल (अंग्रेजी: फुट: गोड, बॉल: गेंना) या सॉकर कहि जात है।ई दुनिया कय सबसे मशहुर खेल मे से एक होय। ई एकठु सामूहिक खेल होय औ एका ग्यारह खेलाड़ि कय दुई दल कय बीचे खेली जात हैं ।यका खेलय वाले खेलाडिन कय गिन्ती दुनिया भर मा २५० मिलियन हय औ लगभग २०० देस सामिल हँय । इ चौकोण मैदान मा खेलि जात हय जवने कय पिच कहत हँय । पिच कय दुनो छोर मा गोल रहत हय ।इ खेल मा एक टिम मा ११ खेलाडी रहत हय जवने में से एक्ठु गोलकिपर रहत हय । इ खेल मा दूनो टिम कय मक्सद रहत हय गेना कय विपक्षी टिम कय गोल लाइन कय ओहपार पँहुचाय कय गोल करब । जवन टिम सबसे ढेर गोल करत हय उ जित जात हय । इ खेलै कय नियम नियम होत हय जवने कय खेल कय कानुन कहत हँय । गेना कय परिधि या घुमाव ६८ से ७० सेमी होएक चाँहि जवने कय फूटबाल कहत हँय । अगर दूनो टिम कय बराबर गोल करे हँय तव खेल ड्रा होइ जात हय या तव अउर समय दइ जात हय खेल खेलय कय नाइ तव पेनाल्टि शुट आउट भि करवाय सका जात हय। गोलकिपर कय छोडिकै अउर कवनो खेलाडि कय गेना कय हाथे से छुवैक अनुमति नाइ रहत हय ।

फुटबल खेल

एक्ठु(१० नं.)कय खेलाडी गोलपोष्ट मा गेना डारेक कोसिस मा
सबसे बडा नियंत्रण निकाय	फिफा
दुसर नाँव	सकर, फुटी, "द ब्युटिफुल गेम", "द वर्ल्ड गेम"
सबसे पहिले खेला गवा	ब्रिटेन (१९औ शताब्दि कय बिच मा) (इङ्गल्याण्ड मा १५वां शताब्दि से)
विशेषताएँ
अनुबंध	होत हय
दल कय सदस्य	११/११ जने
मिश्रित लिंग	मेहरारु/मर्द
वर्गीकरण	समुह खेल,गेना कय खेल
उपकरण	फुटबल या "सकर"
जगह	फुटबल खेल मैदान
ओलंपिक	१९००

इतिहास

ओ खेल पहिले कय ग्रिक लोग खेलत रहें । उ समय मा एका हार्पास्टोन कहत रहें । वइसय रोमन लोग भि इ खेल कय खेलत रहे तव वका हार्पास्टुम कहत रहें । मध्य जुग मा इट्ली मा फ़ुटबाल खेल खेलय लागे औ यकर विकास भवा वइसय पोलिनेसिया कय बंसिदा बाँस कय बना गेना से ढेर मेर कय खेल खेलत रहे ।एस्किमो लोग पहाडी घास पात से गोल गेना बनाइ कय फूटबाल खेलत रहे । बहुत मेर कय फूटबाल इंगलैण्ड मा खेल कय रुप मा विकास भवा औ ओकर संयोजन भवा ।

प्रबंध निकाय

फेडरेशन इंटरनेशनल द फुटबॉल असोसिएशन (Fédération Internationale de Football Association) (फीफा), फुटबॉल कय मिला अंतरराष्ट्रीय नियंत्रण संस्था होय (औ सहायक खेल जइसय फुटसल (futsal) औ समुन्द्र तटीय फुटबॉल (beach soccer))। फीफा मुख्यालय जुरिच मा मौजुद है।

फीफा कय साथे छः क्षेत्रीय संगठन जुड़ा हँय;

• एशिया; एशियाई फुटबॉल संघ (Asian Football Confederation) (AFC)
• अफ्रीका; अफ्रीकी फुटबॉल संगठन (Confederation of African Football) (CAF)
• केन्द्रिये/उत्तरी अमेरिका & कैरेबियन ; उत्तरी, केन्द्रिये अमेरिकन संघ औ कैरेबियन फुटबॉल (Confederation of North, Central American and Caribbean Association Football) असोसिएशन/संस्था (CONCACAF; फुटबॉल संघ कय नाँव से जानि जात है)
• यूरोप; यूरोपीय फुटबॉल असोसिएशन (Union of European Football Associations) संघ (UEFA)
• ओसानिया; ओसानिया फुटबॉल संघ (Oceania Football Confederation) (OFC)
• दक्खिन अमेरिका; दक्खिन अमेरिकी फुटबॉल संघ (Confederación Sudamericana de Fútbol) (दक्खिन अमेरिकी फुटबॉल संघ;CONMEBOL)