मदद:लेख का होय

लेख विकिपीडिया पे कौनों बिसय पे लिखल एक्ठु आधारभूत चीज होय। विकीपीडिया इही लेख से अव लेख कय खातिर बना है। अउर दुसर पन्ना लेख वाला पन्ना कय सपोर्ट खातिर बना है।

गुण

एक्ठु नीक लिखल लेख मा नीचे दिहा गुन जरूर होएक चाहीं:

लेख में, जवने मनई, चीज या विचार कय बारे में लिखा है पूरा जानकारी होएक चाहीं। नाई तो अइसन लेख आधार कय श्रेणी में रख्खै लायक रहि अव ई ज्ञानकोश कय लायक नाई मानी जाई।
लेख में ठीक ढंग से बिसय कय बारे में अलग-अलग चीज कय बंटवारा कई कय पैराग्राफ अव हेडिंग होएक चाहीं।
लेख में पर्याप्त जरूरी सन्दर्भ होवेक चाहीं।
लेख कौनों मनई कय मौलिक लेखन नाई होएक चाहीं बल्की एहमें अइसन जानकारी होएक चाहीं जवने कय कहुं दुसर मान्य स्रोत से प्रमाणित जरूर कइ सका जाय।
लेख कय बिसय अइसन होवेक चाहीं कि ऊ ज्ञानकोश में शामिल होवे लायक होय। ई नाई की चाहे जवन बिसय पे लेख बना दिहा जाय।

अइसन लेख ना बनावा जाय

जवने कय उल्लेख्नीयता न होय।
जवन केहू जिंदा मनई कय बारे में होय। अइसन जीवित मनई जे अपने जिनगि में बहुत परसिद्ध होई गवा है खाली ओही कय बारे में लेख बनाए सका जात है।
अइसन व्यक्ति या बिसय कय बारे में लेख ना बनावो जवने से आप कय व्यक्तिगत संबंध होए अव अईसन लेख कय निष्पक्षता प्रभावित होएक सम्भावना रहत है।
विवादित बिसय पे लेख बनावै मा हमेशा निष्पक्ष रहो अव दूनो पक्ष कय बात लिखो। एकपक्षीय बात वाला लेख ना बनावो।
बिना सन्दर्भ दिहे लेख ना बनावो। सन्दर्भ हमेशा निष्पक्ष, अव सर्वमान्य स्रोत से देओ। ब्लाग, लोकल अखबार अव अइसन अखबार जहाँ प्रचार खातिर लेख छ्पावा जाय सकत अहै, केहु कय प्रचार सामग्री, केहू कय व्यक्तिगत जानकारी( जवन पब्लिक में पहिलवै से मौजूद ना होए), इत्यादि स्रोत कय रूप में ना इस्तेमाल करो।