MSK Collage 2015.png

मस्को रुस कय राजधानी होय । इ रूस कै अव यूरोप कै सबसे बड़ा सहर होय । इ मोस्कवा नदी कै किनारे बसा है ।यँह दुनिया कै ढेर अरपपति रहत हैं इहिकै नाते मस्को कै अरबपतिन कै सहर भि कहि जात है ।[१] २००७ मा मास्को कै लगातार दूसरा दाइ दुनिया कै सबसे महंङा शहर भी घोषित कइ गै रहा।[२] इ सोवियत संघ औ पूरान रुसि साम्राज्य कै पुरान राजधानि रहा ।

इतिहाससम्पादन

एकर नाँव मोस्कवा नदि पै रखि गा है । २३७-३८ कै आक्रमण कै बाद, मंगोल लोग सारा सहर जरा दिहिन औ मनइन कै मार दिहिन। मास्को फिरसे आपन विकास किहिस और १३२७ मा व्लादिमीर - सुज्दाल रियासत कै राजधानी बनावा गै । वोल्गा नदी कै सुरूवात पै होवैक नाते एका फायदा रहा औ फिर धीरे धीरे सहर बड़ा होय लाग। मास्को एक्ठु शांत औ संपन्न रियासत बनि गवा औ कुल रूस से मनइ आयक हिँया बसै लागे। १६५४-५६ कै प्लेग मा मास्को कै आधा आबादी खतम होइ गवा। १७०३ मा बाल्टिक तट पै पीटर महान सैंट पीटर्सबर्ग बनावैक बाद, १७१२ से मास्को रूस कै राजधानी नाइ रहि गै । १७७१ कै प्लेग माझिल रूस कै अन्तिम बड़ा प्लेग रहा, जवने मा खालि मास्को कै १००००० मनइन कै जान गवा। १९०५ मा, अलेक्जेंडर अद्रिनोव मास्को कै पहिला महापौर बने। १९१७ कै रुसी क्रांति कै बाद, मास्को कै सोवियत संघ कै राजधानी बनाइ गै। मई ८,१९६५ कै, नाजी जर्मनी पै जितेक २०वा वर्षगांठ कै मउक्का पै मास्को कै हीरो सिटी कै उपाधि दइ गै।

अर्थव्यवस्थासम्पादन

मास्को यूरोप कै सबसे बड़ा सहरी अर्थव्यवस्थाओं में से एक होय। इ रूस कै सकल घरेलू उत्पाद कै लगभग २४% योगदान करत है। २००८ मा मास्को कै अर्थव्यवस्था ८.४४ ट्रिलियन रूबल रहा | मास्को मा औसत मासिक वेतन ४१६०० रूबल है। २०१० मा, मास्को मा बेरोजगारी दर खालि १% रहा, जवन रूस कै कुल प्रशासनिक क्षेत्रन् मा सबसे कम है। मास्को रूस कै निर्विवादित रूप से प्रधान आर्थिक केंद्र होय। हिँया रूस कै सबसे बडा बैंक औ कंपनि कुल हैं जवनेमे रूस कै सबसे बड़ा कंपनी गेज्प्रोम सामिल है। मास्को मा रूस कै खुदरा बिक्री मा १७% औ कुल निर्माण कामन् मा १३% हिस्सेदारी है। चेर्किजोव्सकी बजार, ३ करोड़ डॉलर कै रोजाना बिक्री औ दस हजार विक्रेतन् कै साथे यूरोप कै सबसे बड़ा बजार होय।हिंया बाजार प्रशासनिक रूप से १२ भागन् मा बटा है औ सहर कै एक्ठु बड़हन भूभाग पै मौजुद है।२००८ मा, मास्को मा ७४ अरबपति रहें औ हिँया न्यूयोर्क, ७१ अरबपति, से ऊँचला पायदान पै है ।

शिक्षासम्पादन

मास्को मा १६९६ बडहन विद्यालय औ ९१ महाविद्यालय हैं। एकरे अलावा, २२२ अउर संस्थानऽओ उँच शिक्षा देत हैं, जवने मे से ६० प्रदेश विश्वविद्यालय अव १७५५ मा बना लोमोनोसोव मास्को स्टेट विश्वविद्यालय भी सामिल ह। विश्वविद्यालय मा २९ संकाय औ ४५० विभाग हैं जवन मे ३०००० पूर्वस्नातक औ ७००० स्नातकोत्तर छात्र पढत हैं। साथै विश्वविद्यालय मा, उँच विद्यालय कै लगभग १०००० विद्यार्थी पढत हैं औ लगभग २००० शोधार्थी काम करत हैं। मास्को स्टेट विश्वविद्यालय पुस्तकालय, रूस कै सबसे बडा पुस्तकालयों में से एक होय, हिँया लगभग ९० लाख किताब है।

बाहरी कड़िसम्पादन

आधिकारिक वेबसाइटसम्पादन

सन्दर्भसम्पादन

  1. "मॉस्को बिकम्स वर्ल्ड्स बिलियनायर कैपिटल - फोर्ब्स". RIA Novsoti. अभिगमन तिथि 5 मार्च 2008.
  2. Sahadi, Jeanne, Moscow remains the world’s most expensive city while London moves up from fifth to second place. CNNMoney.com